تماضر في كل حته معانا
وف كل شارع منها لقيت
زنانه .... فتانه .... ودانه
سوسه بتنخر عصب البيت
.....................................
........ خالتي تماضر ........
.....................................
خالتي .. تماضر ...
في كل حاره
عامله لنا غاره
بتغوي ... جاره .. بالوسوسات
لسانها ... زالف
خسيس وحالف
بالسم ... تالف .. حيه بنابات
كلامها .. مغني
وجع ... دماغنا
واللي ... بلغنا .. منها الفتات
يادوب .. لسعنا
كتر .... وجعنا
وليفنا ... باعنا .. والبيت شتات
جوزك ... بيلمع
لبسه .... مقمع
صيته ... مسمع .. نجم شاشات
جوزك .... فايق
ماشي .. ورايق
راكب ... وعايق ... عدى وفات
حاربيه ف قومه
هايعدي .. يومه
ويجي .... نومه .. مهدود يبات
قصي ... ريشه
هابيع دشيشه
وفضي نيشه ... قوليله هات
ساحره .. حماتي
زايده ..... أهاتي
وانا .... ومراتي .. بقينا شتات
الهم ... ماليها
بان في عينيها
زرعت .... فيها ... الشك آهات
فتحى .... عينك
إوعي ... يخونك
إحمي حصونك ... م الهفوات
إفتحي ... مندل
راح .... يتشندل
وينام .... أهبل ... م الاموات
خالتي تماضر
غاويه محاضر
كات ... بتحاضر ...... للستات
فكرها .. حاضر
لما ...... تناظر
تغلب ... شاطر .... بالهمسات
همس .. الماكر
سهم ... وغادر
يهدم .... ساتر .... باالخيانات
ربك ...... قادر
يهدي .. تماضر
ويهدي الحاضر .... م الستات
.....................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
ليست هناك تعليقات:
إرسال تعليق