قصيدة " متفائل "
Youssef Megale
بقلم يوسف ونيس مجلع --- ايطاليا بريشيا
اصدقائى الاحباء اعتقد انكم تشاركونى الراى انه فى وقتنا هذا يوجد شبه تبذير فى نشر التشاؤم و الخوف و كانه تسويق مربح فماذال بعض الاعلام يكتب عن الرجل الذى عض الكلب للاثارة و بعض الناس بالبلدى -- عايزين مصيبة يشبعوا فيها لطما -- بالطبع الاحتياط واجب و لكن لا يجب ان نعطى الامور اكثر من حجمها كرونا انفلونزا متطورة كا سابقتها و كما ان الانسان يتطور فكل شئ حوله يتطور حتى ابليس يطور حيله فى خداع البشر اما عن السلام المزعزع بصرعات هنا و هناك فلان عدو السلام و الخير كان و ماذال و سيبقي الى قيام الساعة و لكننا يجب ان تكون لنا الثقة فى سلام الله ضابط الكل و الكون و كل ذرة فيه -- كلمة بالعامية بعنوان متفائل
متفائل رغم كل السلبيات -------- متفائل رغم كل الظروف
رغم الحروب و النزاعات -- و نووى وايدروجينى و خوف
رغم اوبئة و فيروسات ----------- رغم السلام المخطوف
مدام خالق المخلوقات ----------- موجود و برحمته رؤوف
-----------------------------------------------------------------
مدام فى كل الاوقات ----------------- ماذال الحلم بيطوف
فى وجدان ولاد و بنات ----- بشوارع و حوارى و عطوف
رافعين الامل رايات ------------ بطموحات عالية السقوف
و اهل القلم و الملكات -------------- لسه مالكين الحروف
----------------------------------------------------------------
القلم عمله الكلمات -------------- مش الركنة على الرفوف
للقلم صولات و جولات ------------ و فى التاريخ معروف
اقوى من المنجنيقات ----------- ومن الصواريخ و السيوف
لما يبدع فى العبارت -------------- و يظهر سحر الحروف
---------------------------------------------------------------
يا مبدع ابتكر ابداعات ------------- فيها المستقبل موصوف
نور لاولادنا بعلامات ------------- طريق بالامان مرصوف
اكتب ميثاق معاملات ------------------- منه النفاق محذوف
و يوضح خسارة السيئات ---------- لاننا على الدنيا ضيوف
--------------------------------------------------------------
اكتب عن القيم ايات -------------- و اخرج من ملل المالوف
اكتب عن الحب روايات ------------- اكتب من غير كسوف
بنت زينة البنات ---------------- باخلاقها مش قدها الملفوف
و ولد فوق التحديات ------------------ بصداقة العلم شغوف
------------------------------------------------------------
اكتب و زيد التوضيجات -------------- اكتب اعمل معروف
الرجولة مش عضلات ------------- موقف بالخطر محفوف
الانثى انوثة و سلوكيات ---------- مش زينة و جسد مكشوف
العمل ازدهار و خيرات ---------- بالشبع اسد على فار يلوف
-----------------------------------------------------------
اكتب عن الخير نبذات -------- تلاقى الخيرين ملايين الالوف
عن السلام و التضحيات ---- تلاقى المسالمين ملايين صفوف
اكتب الفة بكل اللغات -------------- تلاقى الكل عليها ملهوف
اكتب و اكتب بثبات --------------- مدام نقدر نشكل الحروف
بقلمى يوسف ونيس مجلع --- مصر
للشاعر/ة/ Youssef Megale
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
