يا إمي
بيتك يا حزمة عاطفة وأسرار
عايشة بروحي دافية فيها
بتنزل دمعتي إن وصلت ع الدار
بمرمغ سكوتي بالحب مدفيها
ريحك يا إمي مشغول بالوردات
وناطرة رجوعنا ل نغّلّ
بغمرة دموعك يا إمي والفلّ
بتقلي يا بنتي خليك ضلّ
وبستانك المزروع ع حدّو حجار
مرسوم عليها شغلة بال وغار
ع غفوة عيوني ع كتف الليل
ع عاطفة متل شي سيل
ناطرة جفوني تغمر خيال
صورتك
وغمض عيوني على صوتك
ع غيابك صرت كبيرة يا إمي
وصرت ع كتافي حاملة همي
يا أحلى اللهفات ع تمي
.....يا إمي
مين بيغطي برد غربتنا
مين بيحكيلي حكايات هجرتنا
يا إمي.....بخيال قلبي بشوفك
إمي......بحس حالي بغمرك
ولوعة غيابك بشمشمك
بس إرجعي وبعيون خاطري ...بضمك
وتردي لحالي الروح
لقلب مشتاق ومجروح
يا إمي......حجار بيتك شوق بكتنا
صارت النطرة شغلتنا
كبرنا يا إمي وراسم الشيب مغربنا
آخ آخ و آخ يا إمي صرت إدعي لربي
يعملك كوخ جنتك بقلب قلبي...
لشوف خيالك دايماً ع دربي....
بقلم د.#منى_ضيا
لبنان
أصدقائي يدق قلبي عندما
يشرف عيد الام .
انشاءالله يمد بعمر الأمهات الأحياء
ولنا الله بغياب الأمهات في الجنة
