محمد جمال فايد
٧ دقائق
رسالة من شهيد العيد بكمين البطل١٤
................................................
متزعليش يامه خالص
.............من إستشهادي متزعليش
ولا تندميش إني وافقتك
.............وقلت . لازم أخش جيش
أنا فيه درست المجدعة
...............وعرفت.فيه إزاى اعيش
لا شربت فيه يامه بانجو
..........ولا كرسي واحد م الحشيش
ولا كنت سهران ع الأهاوي
...............ألعب عليها شيش وبيش
أنا كنت عين من عيونك
..السهرانةجندي صاعقة فى العريش
وعامل حسابى يامه بعد
........ وداعك كل مرة أروح مجيش
و كنت.يا مه بأدي واجبي
.................بقلب جامد زي الحديد
وادعي فى صلاتي العمر
........واحلم انى يا مه أموت شهيد
والتف فى العلم إللى رفرف
...................فوق ثرى سينا العنيد
وروحي تطير فى السما
...........وادخل الجنة ولوكانت بعيد
واهجر الدنيا بما فيها
.........واحيا فى الأخرة يامه سعيد
دا كان منايا من صغر سني
...............ويبقى .يومها أحلى عيد
فمتزعليش ياامه ياحبيبتي
.................لأن موتي كان عشانك
بسلاح إرهابي فاسد
...............إتربى من خيرك .وخانك
وليه أكره الشهادة يامه
.............. طالمافيها هيكون أمانك
وأنا من واجبي حمايتك
....وتدميركل إللى ناوي يهدم كيانك
ولا فكراني يامه هعيش تحت
..........رحمة كلب هان أهلي وهانك
وانت إللى ياماحاولوا يهدموك
لكن عليهم رب العرش نصرك وعانك
فافرحي وعيشي بكرامة
......وربى أخوياالصغير على الامانة
يصون أرضه وعرضه
..............ولا يقبل حياة ذل وإهانة
وعرفيه بأن الإرهاب الأسود
........لا له وطن يامه ولاحتى ديانة
وعشاقة جهلاء وكفرة وقتلة
.............وطبعهم كلهم غدر وخيانة
وحذريه يامه من سماع
.................خطب لهم بتكون رنانة
وإغراءات وإستغلال لظروف
......ناس بتكافح في الدنياوشقيانة
بمساعدات مغرضةوخفية على
....إنها صدقات من بيت مال وإعانة
علشان تفضل مصرأجيال ورا أجيال
.....مديونة لهم يامه وذليلة ومتهانة
ويبقى الموت لنا أفضل من
.. العيشة أحياء يامه في قلب جبانة
وسلامي لكل جندي حمل سلاحي
... ووقف مكاني علشانك يامه أمانة
وسلامي ليك ختام ياغالية
.الغاليين وأه من الفراق يامه أه يانة
لكن كل غالي ورخيص يهون
.. يامه علشانك وعلشان مصرالكنانة
.......مع عزاء محمد جمال فايد......
........جمهورية مصر العربية...........
....كفر شبرا زنجي الباجور منوفية..
