بالعامية المصرية
-------------------------------
تصحَى وتتنفسْ
نوركْ يا صبح حياه
وريني فين دربي
أجري وأدوب ف هواه
دا الورد من فرحه
رقص الندى وشذاه......
🌹🌹🌹🌹🌹🌹🌹🌹🌹🌹
(٢)
والنخلة طالعة لفوق
عالية بتدلع..
عمالة تحكي بشوق
وتنادي علي طيري..
غنّي بأعلى الصوت
خلّي الوجود يسمع..
دى الأرض نبتانا
فيها الحياة والموت
والصبح لما يهل
تحسّه يتنفس
غنّي يا طير بضياه...
🕊🕊🕊🕊🕊🕊🕊🕊🕊🕊
(٣)
والنسمة حواليهم
بتصحي فينا الوجد
والنيل بيزقيهم
ميّه بطعم المجد
والصبح يتنفس
نفسك يا صبح حياه
دا الكل بيك يهمس
سَبّح عظيم ف سماه....
ليست هناك تعليقات:
إرسال تعليق