رضا علي احمد ابو شنب
مصر/المنصورة/ميت غمر
قصيدتي الجديدة
(المراية)
بصيت في نفس المراية
انا شفت نفسي.... غريب
وملامحي تحكي الحكايه
ان الشباب......... بيشيب
وان اللي شفته يوماتي
كان اسمه قسمه ونصيب
ومهما اسابق.... ساعاتي
سهم القدر...... بيصيب
يدخل يغير...... حياتي
ولا عمره مرة..... يخيب
ارفع له دايما راياتي
علشان بسهمه يغيب
اقرا الكتاب والاياتي
واطلب معاهم طبيب
كتب الطبيب الدوا
علشان مريضه يطيب
سبق النصيب والقدر
وقالو مات الطبيب
******************
بصيت لنفسي بغرابه
قلت الطبيب مجنون
ازاي يداوي الغلابه
وعمره كان مرهون
لو خدنا كل الدوا
وشربنا شاي بليمون
نلقي القدر وسطنا
بيفسر المضمون
وان القلم من زمن
كتب الاجل واللون
وبامر من ربنا
بيقوله كن فيكون
*****************
ياللي انت فاكر
ان الشباب بيدوم
بص لفصول السنة
تلاقيها مش بتدوم
الصيف بيجي ويمشي
والشتا معلوم
والشمس تطلع وتغرب
وسط الظلام بنعوم
وحبه تصفا السما
وشويه تملا غيوم
خليك مع ربنا
اصل الاجل محسوم
والرزق مكتوب لنا
بلاش تشيل الهموم
واحسن بعملك ختامك
في الجنة تلقي تمامك
وتكون عريس اليوم
وبنظره من ربنا
بتنول معاها الرضا
ويا السعادة تدوم
ليست هناك تعليقات:
إرسال تعليق