( يآ فرحة قلبي ) خواطر...( أشرف الدغيدي) حقوق الملكيه محفوظه

( يآ فرحة قلبي )

علي انغام الحب والوفا
بعزف ليل ونهار الحاني

وعلي اوتار الغرام أغني
لعشق حبيبي الأولاني

وافضل طول الليل
سهرآن فرحان واقول

واحكي عن عذابي
في بُعد حبيبي
حتي ولو كانت ثواني

أصل عشقي يا أهل الهوي
في قلبي مهواش معقول

ولو حكيت و قولت عنه
ما تكفيني كل الليالي

ولو حكيت هحكي عن ايه ولا ايه

وياهل تري هقدر عنه احكي
وعن الهنا اللي انا فيه

ولا هخاف علي حبي
وغرامي ليه

وياهل تري هتفرحولي
ياأهل الهوي
ولا هتحسدوني عليه

وأحكيلكم كمان عن الورد
اللي كنت بدمع عيني برويه

وعن عذابي في بعده و طول غيابه

ولا أحكي علي الليالي
اللي بيني وبينه
وسهرتها في عتابه

كرهت الليل علشان
بيبعدني عن حبيبي
ويبعد حضن حبيبي عني

بس گان طيفه دايماً فاكرني
وسحر عنيه مسهرني

يآ أهل الهوي قولولي
هو الحب كله حلو كده

ويآ هل تري انتوا كمان
بتحبوا حبايبكم بالشكل ده

ولا انا اللي حبي حب تاني
وبشكل تاني

حب مش موجود في الوجود
غير في قلبي ووجداني

دا انا يا اهل الهوي
وصدقوني ماتلوموني
بحب حبيبي اكتر من نفسي

ومتهيألي إن أنا بحبه
اكتر وغلطت في وصفي

ومهما گان الوصف اللي وصفته
أقل بكتير من وصف حبي

دانا عايش في الدنيا دي علشانه
وهو اتخلق فيها علشاني

وهو الأحلام والأمل والأماني
ولعالم الحب عيونه وخداني

هو الجمال كله وسحره
والحسن يبقي عنوانه

والرقه والدلال طبعه
واتخلقوا بس علشانه

وكل النسا منه غياره
لو شافوا يادوب جماله

هو في حياتي ودنيتي
اجمل بستان ورد وزهور

وهو النسيم لأنفاسي
وعبيره حلاَّ عبير العطور

هو الحب والعشق كله والغرام

وف سحر عنيه اكتب فيهم الف ديوان

دانا لما بلمس يادوب ايديه بتوه من الحنان

واحس اني في بحر الحب خلآص بقيت فيه غرقان

وآه لو أوصفلكم نار وشهد الشفايف

ومن بينهم من اللولي والماس
اجمل صفين

ومهما كان قدام عيني من نسآ
غير حبيبي عمري ماكنت شايف

ومن عذاب بعدك يانور عيني
اشكي لمين ولاَّ مين

ولو قولتلك عديت أيام غيابك
ولياليها حبيبي دقايق وثواني

ونفسي اغمض وافتح عيني
القاك منور دنيتي وايامي

يافرحة قلبي وعمري
وروحي وهنايا

وف ليالي البعد والحرمان
بتبقي دموع بكايا

إمته تجمعنا حبيبي ليالي هواك وهوايا
وهمس حبك يدفيني ويبقي فرحتي ودوايا

خواطر...( أشرف الدغيدي)
حقوق الملكيه محفوظه