دعوة فرح
كتبت لي رسالة
ودعوة فرح بأسمي
بتقول أرجوك تعالى
انا نفسي تكون جنبي
لو حتى تنجرح
كفاية يحس بيك قلبي
أسفة حبيبي لجرحك
لكن مش قصدي
نزلت دموعي مني
والقلب جريح يبكي
بجد مش قادر
لكن وعد مني أكون
اناحاضر
ما هو ده قدري
وعدتك في فرحنا
أكون انا جنبك
عريس وأنتي عروستي
ويكون اليوم فرحي
فرقتنا الليالي
واليوم يوم فرحك
وهو يوم جرحي
هكون انا وراكي
ولغيري ازفك
وبأيدي أدفن قلبي
أنا جاي الفرح أكيد
هفرح وكلي دموع
مجروح وأيه ذنبي
متعود على الجراح
طول عمري من صغري
فجأة لمحت في أيديها
حنة وورد بيغني
وصوت مأذون يردد
زوجتك نفسي
وكاميرا كمان تصور
ومعازيم كتير حولي
أكيد أنا بحلم أكيد
الفلم ده هندي
بس الحلم صار حقيقة
وفي الدفتر صارت تمضي
وأنا كمان شاهد
على فرحها بنفسي
مرت دقايق بين زغاريد
وطبول من حولي
وأنا واقف مكاني
أبكي ياناس وحدي
بجد مش قادر أشوفك
في حضن غيري
وليه بتتزفي
وقلبي يبكي دم
وأنا سجين حزني
وفجأة تثور زحمة
مطرب وصوت طبلة
وتبدأ في الفرح رقصة
وعنيه تيجي في عنيكي
والفرح صار قبري
أكيد مش قاصدة
تجرح وتجرحني
ومابين فرح وهيصة
وناس ترقص وبتغني
وقف الكلام في قلبي
وصرخت أنا بصمتي
ونزلت دمعتين
وعيوني قالت كلمتين
مبروك ياعروسة
مبروك يا عمري
بقلمي / جراح بكير
ليست هناك تعليقات:
إرسال تعليق