حسن الختام
***&***
ليه مانحبش بعض
ونتمنى الخير والسعد
ونعيش احباب على الوعد
ونشيل من قلوبنا البغض
ونخلى كل حاجة تمشى سهلة
ما الدنيا مش مستاهلة
وأعتبر كل الناس اخواتك واهلك
ونصيبك حيصيبك أمشى على مهلك
ورزقك مكتوب فى السما وحيندهلك
واوعى تبيع يوم ناسك واهلك...... حتهلك
يا ابن آدم لورضيت
بالقاسمهولك ربنا
حتنعم وتعيش سعيد وسطنا
طالما حترضى ربنا وتكسب ودنا
واوعى يوم تعوق أبوك ولا امك
اللى طول عمرها بتضمك
فى حضنها وتشيل همك
مهما كبرت فى نظرها هى امك
وأترك سيرة طيبة لاسمك
تكون شفيع لما القبر يلمك
ساعتها حتلاقى عملك
هو انيسك مش رسمك
ولا مالك ولاخالك ولا عمك
حتى ولادك
اللى شايلين اسمك
يا ابن آدم ياريت
تحسن ختمك
قبل ما القبر يضمك
****&****
سمير بحر
****&****
ليست هناك تعليقات:
إرسال تعليق