رغم إني كنت بحلم
إلا إني لمست روحك
كل ماجي اكتب قصيده
القي نفسي فوق سطوحك
قولي إيه أصل الحكاية
إنتي أجمل ولا بوحك
كل حاجة فيكي غنوه
ابتسامتك أو جروحك
إنتي فعلا بنت حوا
ولا إنتي جنس تاني
إنتي لحم ودم برضو
ولا لحن فريد عشاني
أصل عقلي احتار معاكِ
من جمالك قال اغاني
قلت يمكن حور وجايه
تمسحي دمعي ف ثواني
بس فجأه ف لحظة كنتي
زي نار قادت في ثانيه
زي ما تكون واحدة غيرك
جت كأنك واحدة تانية
جاية تهدم في المشاعر
موتتني زي أي ست جانيه
مستحيل أنسي اللي كان
أصله حلم و دنيا فانيه
ليست هناك تعليقات:
إرسال تعليق