عايز تنساني،،،،،بقلم الشاعر✨✨اشرف الدغيدي⁦🎖️⁩

(  عايز تنساني )

وقدرت  تبعد يابو  قلب  قآسي...
وتبيع  ودي  وتجرح   احساسي....
عايز تنساني وتنسي ذكرياتي.....
وتزيد دمعي ليلاتي وكمان آهاتي.......

وتسيب قلبي من الجروح يِتّْألِمْ ...
ازاي تهجر وتروح من غير ماتّْسَلِّمْ...

طب اعمل ايه ف سنين حياتي ..
عايزها تروح ومعاها الأحلام والأماني..
وازاي هنساك حبيبي وانسي غرامي...
وايامي معاك فيها أحلي الليالي........
ليه عايز تخلي غيرتي عليك قتلاني....
انت تعاند وافكاري ملوعاني.....

فاكرني هاقدر  أنسي حبك....
ازاي وقلبي دقاته بحروف إسمك...
وحياتي جنه وعيشاها  بقربك...
حبيتك وحبيت الدنيا من بعدك....

وأيامي في قربك صبحت جميله...
والمعاني الحلوه تحرمني منها مستحيله...
دنا من كتر حبك صورتك فخيالي رسمتها...
وعلي نن عيني بدموعي نسختها....

علشان ماشوفش غيرك حبيب بين البشر...
واسمك نقشته بدمي علي كل حجر..

في عنيك جنه شوفتها وعيشتها....
ومن حلاوتها وجمالها ماصدقتها...

عرفت معاك معني الحب وغرقت فيه..
ونسيت نفسي جنبك مش عارفه ليه...

ودي الوقتي عايز تعذبني ببعدك...
واهون عليك اتعذب وهما بيجبولي سيرتك...

طب والمعاني اللي رسمتها بحبي واتمنيتها...
وصوره لأحلامي من صغري اتخيلتها..
كانت اماني واتمنيت تحققهالي كلها...

بعد ماخليتني اشوف كل الناس اتنين اتنين..
حبايب وعشاق ومع بعض عايشين....

وكل الناس شيفاهم بعنيا قرايب.....
عايز تغيب عني وروحي مني تغيب...
وازاي اعيش من غيرك  ياأغلي حبيب..

بعد ما حبيتك ورضيت بنصيبي معاك..
وازاي قلبي عايش بهواك وانت بتزيد جفاك..

هو بايدي ياحبيبي يعني اقدر انسى...
مهما قاسيت عليا مقدرش عليك أقسي...

ومهما عذبني حبك وحاولت  انساك...
بلاقي قلبي عاندني وزاد في هواك...

وياما انشغلت بيك والفكر خدني  ووداني...
من خوفي يكون فيه حب جديد تاني...

بس كان قلبي بيطمني بلوم وعتاب..
ويقوللي مهما بِعدّْ عنك ومهما غاب..
انتي في قلبه عايشه ولسه احباب...

خواطر .. أشرف الدغيدي
حقوق الملكيه محفوظه(ع