( مصر ساقيه ) بقلمي الفلاح الفصيح معوض حلمي منشأة بطاش تمي الأمديد دقهلية

( مصر ساقيه )

-----------

ياللي بتسألوا 
مصر فين ..؟
مصر فين
مصر نورها
ف نن عيني
مصر لونها
بلون حنيني
مصر فرض
مصر شعب
بيدفي بعض
ببعض ..
وبيحمي بعض
بجد ..
شعب واحد
مش شلل
وناس عويله
بوش عيره
وفكر خايب
مصر شعب
كله غيره
عايشين حبايب
ومصر بولادها
نسمة بتتعاجب
على خد ورد
مصر ساقية
بتروي شهد
مصر قارب
بيعدي بينا
أي صعب
مصر قلب
نبضه حب
مصر عهد
وضحكة
ممكن تترسم
على أي خد
مصر وعد
ونهر سعد
إسمه نيل
سلسبيل
مايته تشفي
العليل
والعويل
لساه بيسأل
مصر فين
مصر فين ..؟
مصر صابره
بالأنين
على جور ولادها
الكدابين البياعين
مصر ساكته
لكن قلبها
بيبكي ب حنين
وعشان
على عقلك
غباوة
وعلى عيونك
غشاوة
لساك بتسأل
مصر فين
مصر فين ..؟
مصر
أم وطيبه
مصر
وردة منوره
واقفه
على سجادة الصلا
بتصلي لينا ركعتين

بتصلي لينا ركعتين
-------------
بقلمي الفلاح الفصيح
معوض حلمي
منشأة بطاش
تمي الأمديد
دقهلية