ما عاد بدنا جعجعه بقلمي ابوسهيل كروم

ما عاد بدنا جعجعه
وكثرة حكي
ولا عاد نرضى بمواقف
متأمركي
ولا عاد بدنا مؤتمر
اذناب
ما عاد بدنا مؤتمر
للفزلكه
خلصنا ثرثرة خلصنا
شكاوى
ولا شكوى لمجلس
أمن بدنا نشتكي
ضُبوا دموعكوا
وكثر الصراخ
ما عاد ينفعنا العويل
ولا البكي
القدس بدها الشرف
ينصان
بيكفي عيونها من
الغدر متلبكي
بيكفي طعن من
بالخفا
وسيوفكوا بصدرا
مشكشكي
بيكفي ضحك ع
دقوننا
عيب الحكي
عيب العويل
ولا البكي
القدس بدها كرامه
ونخوة الرجال
وين حكام العرب
كفاكم فزلكي
تصريح شو تصريح
وخطاب
وشو يعني إدانته
مفبركي
القدس بدها فعل
ابطال
مدفع وميدان يبدأ
معركي
روحوا
روحوا استحوا
روحوا اخجلوا
وبشي مزبله انطموا
الاوطان ما بدا
رقصة سيوف
حول المؤائد تتكي
ولا خمر يتقدم عا
طبق لترامب
ولا فلوس خاوه
لديوس مسبكي
الاوطان بدها رجال
بدها اشاوس
بدها فعل ما يكون
فيو تكتكي
والقدس ما بتقبل
الطغيان
ولا بتقبل دشاديش
بنجوم بني صهيون
مجعلكي
القدس بدها سواعد
طاهره
شبعنا كذب شبعنا
دَجل
الرجال بتبين بأرض
المعركي
خربشاااااات
بقلمي
ابوسهيل كروم