مملكة الأحلام ياسر شرف كبير محررين مترجمين باتحاد الاذاعة والتلفزيون

مملكة الأحلام 
فى ناس بتعب كده وتنام
وتعيش فى مملكة الأحلام 
بنات بتحلم كده بعريس
من اصل غالى وهو نفيس
يجى على حصانه الأبيض
وتلبس فى فستانها الأبيض
وتعيش فى قصة حب كمان
وتبنى لها قصر من الأحلام
ويكون وسيم أشقر وجميل
وعنده قصر وهو أمير
ويعيشوا مع بعض حياتهم
ويتمتعوا بكل أوقاتهم
ويطيروا دايما وقت كبير
زى الحمام او جوز عصافير
والدنيا أبهى وأحلى كمان
دايما فى مملكة الأحلام ظ
وشباب بتحلم بالأموال
وتعيش فى عز وكله تمام
وعروسة شقرا بشكل جميل
أجمل حورية فى وادى النيل
والعزوة تصبح جيل ورا جيل
والشركة بفروعها دى كتير
واللى بيحلم بلقمة عيش
ويصير عميد او صول فى الجيش
أما المريض يحلم بدواء
يشفى فى بدنه أيها داء
واللى ده حلمه حج البيت
يتوب ويدعى لرب البيت
واللى ده حلمه يعيش فى سلام
وتخلص حروب ويكون فى أمان
وأحلام كتير كده للستات
تفرح تجوز ولاد وبنات
حياة جميلة بخير وسلام
دايما فى مملكة الأحلام
لكن المهم السعى كمان
وتحقيقها فى الواقع ياسلام
عشان ضررها مع الأيام
بيزيد ويصبح كده أوهام.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون