ليه الناس بتحب تغلِّى ؟! .... ليه راكبين ع الموجَه تملِّى؟!
فوق تُجَّاروجشعهم نار ! .... واحنا كمان ماشيين بالمِلِّى
لو مش نرحم بعض بجد .... إزاى ربك يرحم .. قولــــى ؟!
..........................
أول مابنسمع فى إشاعة .... نجرى نخزِّن وبأنانيـــــــة
التجار يحتــكروا السلعة .... والناس بتخزن بالميـــَّــــة
نخْلَق أزمة من غير لازمة .... وحالتنا بقت مش مُرْضيَّة
............................
الأستاذ "سَلَكَاوى " بيجرى .... يقضى مصالح يملا جيوبه
يعلى رصيده فى بنك الدنيا .... نَفْس شطارته هى عيوبـــه
يبكى فقير من ظلم الغيــر .... أيــده محتاجه وكلـه يسيبـــه
.............................
شفت رسولك بيقول إيه ؟ .... فى الحال اللى بنبكى عليه !
بيقول ترْحَم ربك يرحم .... وتيسَّــر أجـرك تلاقيـــــــــه
واللى إيمانه ف قلبه كبير .... هيــدخلوا جنَّة يــهنيـــــــه !
ليست هناك تعليقات:
إرسال تعليق