علشان كده
جايزطول عمري في سنين حياتي
في اختياراتي
باكون متحفظه لكن عمري ماكنت يوم متردده
في قراراتي
وعشان كده
بيقولوا عليا متمرده
اناعقلانيه في تفكيري واقعيه ومش هوائيه
زي غيري
احلامي ديما متجدده. مرسومه ومتحدده
وعلشان كده
بيقولوا عليامتمردة
انا الحب عندي اقتناع مش حيره وغيره
شك وخداع
الحب مش لقي ووداع مش احلام ورديه
ليل وشعاع
وعشان كده
بيقولو عليا متمرده
الحب احترام واهتمام مش سهر وعشق
وهيام
له جوانب متعدده. و علشان كده
بيقولوا عليا متمردة
كل اللي شافوني حاولوا كتير يكلموني
حاولوا يشاغلوني
ماقدروا يشغلوني. قالوا عني مغروره
للاسف مافهموني
وعشان كده
بيقولوا عليا متمرده
انا الحب عندي عمره ماكان لمسة ايد.
كلام.حلو جديد.
مابين سرحان وتنهيد. مجرد لقي و مواعيد
اغاني فرح وتغريد
ارفض كل ده
و عشان كده
بيقولوا عليا متمرده
الحب مش لقطه. في صوره ابان فيها متيمه
فرحانه مغرده
لا ..نفسي زي كل قلب أعيش الحب احب
واتحب بكل رضا
تملا حياتي السعاده يوم عن يوم بزياده
وأكون بجد متأكده
وعلشان كده
بيقولوا عليا متمرده
ليست هناك تعليقات:
إرسال تعليق