شهادة عذاب .. بقلم .. احمد فاروق ..

شهاده عذاب
أَّدي قلبي اللي حبك
واللي عاش العمر جنبك
خده ياللا بذكرياته
وبأهاته بجرح قلبك
حته مني مش لازمني
طول ما بيقولي بحبك
قلبك ليه ف لحظه سابه
ليه تكون أنت عذابه
ليه يضيع منه شبابه
وأنت متهني وعجبك
علمه يأسي و ينسي
زي ما قدرت أنت تنسي
واخنق النبض اللي حَّبك
علمه إزاي يغني
غنوه الموت الاخيره
اقتل جواه التمني
أنزع منه نار وحِيره
كل جرح كان بسببك
رجعه تاني مكانه
بعد ما توئد حنانه
ووهبه شهاده نجاح
مكتوب عليها بالجراح
قلب ناجح بقتدار
انه يجرح وبمرار
اي قلب يحس بيه
وامضي تحتيها بمخالبك
أحمد فاروق