(( جنون عاشق)) الشاعر حسين ملحم أمير الغزل غزل المساء 25/11/2017

(( جنون عاشق))

تكحل الليل بمسكرة عيونها
تخبى السحر ب ضل جفونها
ولما هب الهوى جوا سكونها
جن الموج بين الهداب....

بعدها ع الحب زغتوره كتير
تتغنج غزاله وأنا جن وطير
ع مهلك يا قلبي بعد بكير
تحبك وع قلبها تكتب كتاب

ملوع قلبي بهوى الحلوين
يركض وراهم بقاله سنين
ختيرت أنا وبعدهم حلوين
أحلى من شمس الغياب

دبحتني بدلعها بنت الطاش
القلب جن العقل طاش
بعدها النفس يتيم عاش
يدور ع روحه تحت التراب

جننتني بجمالها بنت العشرين
تزهر ع صدري ورد وياسمين
بعدها القلب صار ملوع حزين
يشرب ويسكر ع كاس العذاب

أسرتني بأنوثتها بنت التلاتين
تمسح بلطفها دمعات العين
لمين أنا من بعدها لمين
لغير الحزن والبكي والعذاب

ح تضل روحها بروحي للتسعين
صدري لوحة وشفافها تلاوين
لو ضمه تفك قلبي السجين
لو بوسه يطير فوق السحاب

أمير الغزل
غزل المساء
25/11/2017