راح
عبدالمنعم عدلى..مصر
راح الولد
ولاجليش
إنه مش هيعاود
جلتله روح ياوليدى
وخد بتار إخواتك
وإوعاك تعاود لى
والدم على
الرمال سايل
حتى لو عاودت
لى ملفوف
فى علم بلدك
هزغرد ليك
وأزفك لعرسك
وأرفع العلم
على ترابك
وكل يوم أقف
وأشوف علمك بيرفرف
وعمرى ياوليدى
ماهأخذ عزاك
إلا عندما
يجف الدم
من على الرمال
وراح الولد وغاب
وجانى يوم الميعاد
مكتوب عليك ياوليدى
يشيلك أعز الرجال
عندما غدروا
بيك الأندال
آاه وألف آاه
على اللى
ماتوا صغار
روح ياوليدى
وسلم لى
على الأحباب
وخليك مستنى
يوم الميعاد
بقلمى عبدالمنعم عدلى
ليست هناك تعليقات:
إرسال تعليق