انت مفكر نفسك مين بقلم.ابراهيم الحلوانى شوقى

هذا الصنف من البشر لو موجود معاك فى الشغل او فى البيت او فى الشارع او جارك بلغ عنه مستشفى المجانين..!
...........................
انت مفكر نفسك مين
واحد مخلوق من طين

أنفك مرفوعه لفوق
لا عجبك صلب ولا لِين

أصلك هى الأرض
انزل عيش عليها يا مسكين

شايف نفسك انت الأوحد
والكل حولك مغيبين

أنت يا عم من الأشراف
وكلنا اولاد ملاعين

شايف عقلك صح الصح
وعقول من حولك تربتين

الناس فى نظرك صنفين
صنف ينفقك دول حلوين

والصنف الثانى لأنه صادق
كافره خارجين على الدين

نظرتك ديماً للأمام
والكل أعمى غير شايفين

عارف اسرار الكون
والكل متأخر عنك سنين

ماشى زى الديك الرومى
وأنت ما تملئ العين

الناس لما تراك تبعد عنك
وانت مفكر.
واقفين لك على الصفين

دور يا عم على عقلك
شوف راح منك فين

انت مفكر نفسك مين
واحد مخلوق من طين
.........................
بقلم.ابراهيم الحلوانى شوقى