اه منك يازمن ✒بقلم✒عاطف بيومى محمد

اه منك يازمن
✒بقلم✒عاطف بيومى محمد✒

كأن الوحده مصنوعه
او مخلوقه علشاني 
وطريق الضلمه فارد
جناحه فكل حته قدامي
والحزن أساسه
مش عنوان الحزن
ولا مادة ف كتاباتي
الحزن مصلوب فحياتي
طب اعمل اى يا دنيا ...
مفيش حد بينصفني
ولا أصيل بيبقي جمبي
ولا حبيب يسكن قلبي
يفضل معايا ولا يسبني
وقت جرحي يبقي دوايا ...
اه واه منك يا دنيا
كبرتيني بكبر سنك
رغم اني انا منك
بس الدم شكله لون تاني
مش هو اللى بيجرى
ف شرياني وشريانك
كأني بذره شيطاني
طرحه من بطن أرض بور
اظاهر كده مش ابويا ادم
ولا امي كمان حوا ...