للجمعه حُرمة يا عالم على الحسين

للجمعه حُرمة يا عالم
ولا انتوا ما يهمكوش
شهيد كان رايح يصلى
والقاتل ما همهوش
وفين الضمير يابشر
ولا شوية وحوش
أدى الشهيد بيندبح
ولا حسو ولا زعلوش
وياعينى على الجدع
وحوش يا رب حوش
شهيد ولربه أرتفع
والقتلة ما فكروش
خارج يأدى فرضه
والقتلة ما بيفهموش
-----------------------
هو انتو ناس مؤمنه
ولا بقلوب ديابه
اعمالكم شنيعه
ودينكم فعل غابة
ولا حتى يعملها الوحوش
وياعينى عليكى يا بلدى
من دمعة فى قلب الرتوش
ولا يمكن هتنكسر الأراده
من أجل غدر القروش
حرفوش بلديك يا بلدى
هيحارب ولو بالعصايا
لا يمكن أبدا يسلم
لا يمكن ينسى الطيابا
بيقول حبيك فى قلبى
وديما صورتيك معايا
حاسس بنبض روحيك
قدامى من ورايا
وحبيك هو قدرى
وصونيك هو الحكايه
-----------------------
هتعيشى ديما يامصر
بالشهدا فى قلب الغلابة
ومين ال يرضى الغدر
ومين ما همهوش
شهيد يسلم شهيد
وعلى ضهريك
ياما شلتى الهموم
ولو بعنا الهدوم
وخطينا المر صوم
لا زم يا بلدى هنقوم
وهنعبر الحزن عوم
مهما شلنا من نعوش
دا انتى ال ياما زلزلتى
أقوى وأكبر عروش
بولادك ديما تنتصرى
أعز وأشجع جيوش
------------------------
ابنيك ضميره حى
الظلم ما بيرضهوش
محفورة صورتيك يابلدى
جوه كل القلوب
وابنيك مذاكر وحافظ
أيه مكتوب على جدرانك
وأيه ال قالت له النقوش
قالت ما تبعوش
قالت ما تسلموش
--------------------------

هترجعى من الدفنة حزينة
بس زينة وتخدى تارِك
من ناس ما بيرحموش
وهتفر الدمعه منك
لما تفتكرى ضحكة أبنيك
بس مش هتسيبى حقه
ولا هتنسهوش
والضحكة هتملا الوشوش
لأنك لا يمكن تسيبى أبنيك
لا يمكن تنسى حتة منك
ولا عاوزينوه منك
ليهم ما هتدهوش
لأنك عزيزة يا بلدى
وجيشيك خير الجيوش
وبهية وما همهاش
غير دمعة فى عيون ولادها
وال راحو وال ماجوش
وحنوش بتلف وتسعى
تاكل خير أرضيها
وتملا بيه الكروش
لكن فى أدها سلاحها
وجيشها أشجع جيوش
ولما بيوقع لادها
تقول قوموا ما يهمكوش