حلم بقلمي...طارق عطية

حلم

جيت في وقتك كنت بحلم بالأماني
جيت في وقتك....خدتني
خليتني أعيش حاسه بكياني

خدتني على فرسة بيضا ومن إيديا
كنت بحلم إن أنا
في الجنة رايحة ولسه جاية

شمع قايد طول طريقي في إيد صبايا
هو ده الحب الحقيقي...... عيش معايا

كان طريق مفروش بورد وتوب حرير
أي قلب يعدي بس............. عليه يغير

نور قمر كان. فوق سمانا
نمشي يمشي النور معانا

موج وبحر وشط هادي
اعتبرته ده يوم ميلادي

فجأة ملقتش الحصان
قالي ما وصلنا المكان

قصر عالي ياقوت ولولي
والملايكة........ بيندهولي

لبسوني ........التوب وطرحة
شفت في عينيه أحلى فرحة

شالني بأيديه بص لي
قالي ليه....... تتحملي

شفت جوه عينيه حنان
قلت فينك..... من زمان

قالي لسه ..العمر باقي
حبي بيزيد واشتياقي

ضمني.. برموش عينيه
لقيتني فجأة بين ايديه

طلعت الشمس وصحيت
افتكرت جريت..... بكيت

نفسي حلمي يكون حقيقة
نفسي اعيشه... ولو دقيقة
ولا دي احلام........ وذكرى
ولا دي......... قلوبنا البريئة.

بقلمي...طارق عطية