همسات شعرية
يا محلا الكلام
جاهين لما قال
حلاوة زمان
عروسة وحصان
وآن الأوان
تدوق يا ولا
فاكر كلامة
وغنوة في لسانة
ومولد وزحمة
وسيدي المقام
وزفة عروسة
ونور جو كوشة
وفرسة بترقص
بمزمار وتار
وشفت العرايس
راسمة الشفايف
وجندي يحيي
بتعظيم سلام
خيالي سبقني
لو اكبر في فجري
وابقي عريس
واحجز مكان
تمر الليالي
وتفضل أماني
وعمري دا سابق
اجدع حصان
اتاري زماني
عدي الأماني
وفاتني في مكاني
احلم كمان
وآهي دي حياتنا
تفوت تحت باطنا
ونرجع نقول
فين الزمان
وارجع واقول
جاهين لما قال
في أحلا كلام
حلاوة زمان
عروسة وحصان
بقلمي/ عاطف محفوظ
بقلمي/ عاطف محفوظ
ليست هناك تعليقات:
إرسال تعليق