بنظره ورمش من غير كلام
خد قلبي وعقلي وقال سلام
وسابني تايه غرقان أنا والاحلام
ياريته كان مداري عيونه عني
ما كان برمشه صابني وسابني
ومن غير كلام علمني الغرام
سهرني الليل ونساني المنام
شغلني وشغل بالي وغير حالي
مش عارف منه إيه جرالي
ويوماتي اروح نفس المكان واستناه
يمكن أشوفه تاني وعيني تفرح بلُقاه
لا أنا عارف إسمه ولا عنوانه
أو هو فاكرني ولاَّ مش علي باله
وكبر جوايا الأمل يمكن في يوم القاه
وخبيت جوايا حب كبير كنت باتمناه
ومن كتر مابفكر فيه جنني هواه
ولقيت عيني في كل العيون شيفاه
وسامع قلبي بيناديه بدقاته وكل القلوب سمعاه
وبدأ الخوف يتملكني من طول الإنتظار
وعذابي بيزيد جوايا وعقلي منه إحتار
ياتري حبي حقيقه ولا وهم وراح..
وحكايتي معاه حقيقه ولا خيال بعده جراح
واللايمين يلوموني علي حالي
اخبي حزني بسكوتي واداري اوجاعي
وقلبي يحلفلي حقيقه وبكره حبه يفرحني..
وعينيا تصبرني وتحلفلي عُمر حبه ماراح يجرحني
حقوق النشر محفوظة
ليست هناك تعليقات:
إرسال تعليق