قصيدة " شهر البركة و المحبة "
Youssef Megale
بقلم يوسف ونيس مجلع --- ايطاليا بريشيا
اصدقائى الاحباء كل عام والجميع بخير و صحة وسعادة مع احلى واجمل التهانى القلبية الى كل الامة الاسلامية فى جميع بقاع العالم - كلمة بالعامية بعنوان - شهر البركة و المحبة -
استنيناك وهلالك لاح------- و بكل بهاك جيت لنا
بايامك عز الافراح---------- و بلياليك سحر الهنا
بتعم الدنيا سماح---------- و النفس تعلى عن الانا
بتخلى الصدر براح ------- و الوجدان قرب السما
بتملا القلب انشراح ------- و الروح خشوع لربنا
--------------------------------------------------------
بتخلى الحب لماح ------------- فى بيوتنا و شغلنا
الفكر يهيم سواح -------------- فى قيم بتزيد ودنا
تتسابق اخلاق ملاح----------- فى ذكر الله يضمنا
غناء بالعفو صداح ---------- و صلح يجمع شملنا
ننسى سيئات الجراح ------- و نفتكر حسنات حبنا
-------------------------------------------------------
بتالف بين الاغراب ---------- و تجمع الناس سوا
تعطى بدون حساب --------- جم خيرك على الملا
تلاقى القلوب رحاب --------- ببعض محبة و ثناء
بود نسئال اللى غاب -------- نقول له والله وحشتنا
بتخلينا اهل واحباب ----------- ياليتك طول السنة
------------------------------------------------------
الكل على حبك امين ------- حب ورثناه فى قلوبنا
عدات وقيم راسخين -------- عايزين خير لبعضنا
لو قولت هانفطر فين ------- تسمع الفين عندى انا
ويحلف عم حسين ------------ ويستسمحه ابومنى
ويقول عم حنين ----------------- دا ندر عليا انا
-----------------------------------------------------
جبت البهجة وجيت --------- ياشهر مبارك فرحنا
الزينة على كل حيط ---------- مش بس فى حيينا
والكعك والبسكويت -------- منقوش تهانى و منى
يلف الحى بيت بيت -------- ياحبايب ذوقوا كعكنا
يارمضان بكرمك وفيت ------ ياكرم شهور السنة
بقلمى يوسف ونيس مجلع --- مصر
للشاعر/ة/ Youssef Megale
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق