خواطر محمود رمضان
وعجبى
عليك يا زمان
حتى الفقير بدفع فى الفن التمن
انسان غلبان مبهدلة الايام
ساكن فى صدرة فنان
بيدور لية على مكان
فى دنيا مليانة بى الأحزان
الفنان اللى جوايا
عايش معايا الحكاية
كل يوم بكلمنى
بظلمنى بيشتكى منى
وساعات كتير بيشتمنى
وقولى
اهرب يا إنسان
وحقق كل الاحلام
لية سايب طريق الفن
و مستسلم للاحزان
لسة ما جاش الاوان
انا كل همى العيال
والدنيا ملهاش امان
متعلقين فى رقبتى
ومحتاجين مصاريف
فى زمن غلى فية الرغيف
و الفن بحر غويط
محتاج جرى وتنطيت
وانا على قد حالى
ماحلتيش الا افكارى
خليك يافنان
جوايا فى صدرى
محبوس محجوز
احسن ما العيال
تموت من الجوع
وجع الفن اهون
من وجع الجوع
قالى
الأحلام من صنع الانسان
يا فنان طول مانتا غلبان
صعب تحقق فى مصر
اى أحلام
جرب يبالك فى عالم الفن مكان
قولتة يا فنان
الغلبان ملوش بين الصفوفة مكان
ويما ليك يا فنان اشتكيت
كنت مفكر الفن رسالة
فية ناس بدور على المواهب
اللى مدفونة فى الزبالة
بينظفوها ويلمعها
ولو أعمالهم حلو بيشتروها
طلع الفن مش رسالة دكان بقالة
ناس مركونة على الرف
ناس كتير قلة الأصل
وناس كرها ناس
وناس بتحارب ناس
وناس تحت الجزم تنداس
يا خسارة على دة يا زمن
الفقير فى الفن
وبدفع فيك التمن
هو دة حال الفن و الفنانين
كلهم ادام الكاميرة
طيبين محترامين
ملائكة مثقفين
وراء الكاميرا
كلهم شياطين أجناس
ملاعين كلهم حريفة
فى سب الدين
الغلابة فين هاتروح قلوبهم
مليانة بى الهم والجروح
ومفيش حد بيقف معهم
إلا لما يطلعو فى الروح
و عجبى
خواطر محمود رمضان
ليست هناك تعليقات:
إرسال تعليق