البربارة وزوزاحین⁦:✨✨بقلم الشاعرة/رفعت خوری⁦🎖️⁩

البربارة وزوزاحين

(عيد في ظرف حرب)

وكل ماأجت البربارة
بتجمع صبيان الحارة
بتجمع ضيعتنا بجيرتها
بتظهر للعالم روعتها

    ********

تعودنا من كتير سنين
عالضيعة بشهر كوانين
   تجي بربارة  وزوزاحين
ل يزوروها ملثَّمين
بدا زيت وبدو طحين

والناس مافيها ياريت
بس السنة مااستنيت
يكون مغيَّر وضع البيت
 حرب وناس معتَّرين
مافي زيت ومافي طحين
حزن وتجويع وأنين
 عالإعاشة مقتتاتين
 بس سليقة , شوية تين
صغار , كبار, ملثَّمين
نازلين وطالعين,
 فرحانين ومبسوطين
رقصة ودبكة  وضو شموع
يلّموا ومايزيد المجموع

       ********

بقلب المشهد والموضوع
حول المزود شوف جموع
شلّة صوتا مو مسموع
حزنا على وجها مطبوع
بإيمان وحشمة وخشوع
وللباري سجدة وركوع
بعطش وحثرة وفقر وجوع
مافي سليقة , بس دموع
جنب المزود بس جموع
منتظرة ولادة يسوع


أملي لبلدي السلم يعود
وربي يقاضي آل سعود
زرعوا ببلادي بارود

رفعت خوري
إسبانيا