...قلب ميت ...
كنت زمان مسحورة أسيرة
بسحر كلامه خلانى أميرة
حب اهتمام وخوف وغيرة
والنهايه خلانى للناس سيرة
فرشلى قلبه بساتين افراح
حب هيام والقلب ارتاح
دخلنى الجنة بسهم جراح
وكان كل شيء مستباح
قلبي كان مصدقه غصب عنى
واسمع عنه كلام الناس
يألمنى
ولما اواجهه ولا أعاتب
يلف دماغي بكلامه
ويسحرني
كنت زمان مسحوبة
وعامية
اسمع إنه مصاحب
لاميه
نرمين وهند وكمان
سامية
ويقولى حبك حاجه
ثانية
غلطت عمري أنى رضيت
بيه
وإن افتح قلبي يعشش
فيه
قلبي اللي كان جنة
تهنيه
خانه وغدر ولعب
بيه
كان مفروض اسمع
للناس
أنه شيطان وسواس
خناس
بس مشيت ورا
الاحساس
وكانت الكارثه طلع
بخاس
مش راح اموت لو صونت
كرامتى
دوست عليها كثير من
حيرتي
كنت اامن لقلوب خاينه
قالت ليه فيوم يا اميرتي
افرح . اتباهي. أنى حبيتك
انى فيوم خدعتنى طيبتك
قول للكل ان كنت هتقدر
انى كسرت قلبك ورميتك
عارف. لو ان رجوعك
روحي
تطلع منى ولا ترجعش
لو انت الدم بشرايينى
أنزف اموت ولا اسمعش
عارف اه فى بعادك كنت بموت
قلبي بينزف يصرخ منغير
صوت
قلبي ضعيف بس أنا أعدمته
عشان حبك كان لازم يموت
اه فى البعد مكنتش انام
قلبي ينادى عليك بكلام
ولما يراجع كل كلامك
يطلب ليك منى الإعدام
جرحى خلاص راح اثره
ومعلمش
قلبي اللى بكا فيوم
مبيتالمش
والدم اللي كان بشرايينى
مبينزفش
عارف ليه لان الميت
مبيتألمش
الزجالة
ايمان عبدالله والى
ليست هناك تعليقات:
إرسال تعليق