مستحيل .. بقلم الشاعر الشربيني محمد الرفاعي

((٠٠مستحيل٠٠))

مستحيل بعدك احس
بأى حاجه او اى حد
اوحتى يبقى
عندى نفس
إنى اعيش الدنيا بعدك
بدون حكاوى أو قصص
كنتى السفينه والشراع
كنتى الطريق والإتجاه
كنتى المعانى
الممكنه لنبض الحياه
كنتى الحياه
كل الحياه
كنتى حلم
وعشت بيكى احلمه
وصحيت لقيت
الحلم تاه
ياالف حسره
والف ٱه
على نجم
هاجر من سماه
على شمس
فقدت ضيها
على شجره
فقدت ضلها
على ارض
من غير
حتى سماهاوارضها
بعدك حياتى
كلها صبحت عدم
مافضلش منى
غير عيون تبكى
بدال الدمع دم
مافضلش منى
غيرضلوع
طاويه جواها
كل أصناف الالم
بصحى على
صورتك وانام
صوتك بشوفه
فى المنام
وكإنه فى سمعى نغم
٠٠٠٠٠٠٠٠٠٠٠٠٠٠٠٠٠٠٠٠٠٠٠
بقلم الشاعر/الشربينى محمود الرفاعى