( إزاي تنكر )
ازاي قلبي ينورلك الحب والحنيه وانت تنكر
وحبي يبقالك بستان زهور وانت تهمل وتهجر
ازاي هقدر أتحمل عذاب حبك وهوان غيابك
ما انت عارف اني عايشه بحبك ومقدرش أتحمل بُعادك
ده هواك ياغالي غالي وخلآني انا وخيالي أسيره لحبك
ودقات قلبي نغم ولحن جميل بتتغني بحروف اسمك
ماانت حبيبي ونور عنيآ وأقرب مني ليآ
وروحي ساكنه روحك ومش ساكنه فيآ
وغرامك جوه قلبي فاق الوصف والخيال
ازاي تنكر غرامي ياقاسي وتشغل الفكر والبال
صدقني من غير ما احلف أو أجيب لحبك دليل
لما تبعد أو تغيب وإسأل دقات قلبي العليل
حياتي بتبقي عذاب وضنآ وسهد وليل طويل
وإسأل الوجد اللى بيا وانت عني بعيد
وإزاي تهجرني وتفوتني وحيده ياأعز حبيب
وازاي قلبي يقدر يعيش محروم منك وانت عنه غريب
ليه بعد ماحُبك ملكني وغرامك مخلي قلبي سعيد
صونت ودك وحافظت علي عهدك ولقاك بالنسبالي كان بيبقي عيد
اخلصتلك في حبي ووهبتلك عمري من غير تفكير
بتظلمني وتتجني عليا وتعيشني في وهم كبير
عايز تهجر اهجر براحتك مش هتوسل ولا هسأل تاني عنك
ومش هلومك ع اللي عملته فيا بعد ماخُنت ودك
هلوم نفسي عشان صبرت كتير واتحملت ظلمك
روح ومش هسامحك علي قلة اصلك وقسوة قلبك
خواطر...( أشرف الدغيدي )
حقوق الملكية محفوظه
ليست هناك تعليقات:
إرسال تعليق