نصيحة ياما سمعناها وكررناها ع أنفسنا كتير ..
أوعاك تنطفي ضلك منور مضوي كل مكان بتكون فيه ضوي للي حواليك خليك متل الشمعة بتدوب في سبيل إنارة الآخرين ..
بس حدا فكر هالشمعة شو كانت لو انحطت بمكان رطب وهوا وعواصف ومالاقت حدا يعطيها بصيص شرارة يشعلها يطلع النور اللي جواتها .. يصونها لتكفي إنارة للي شعلها وحطها بمكان عالي لاتعبث به أيدي العابثين اللي مابيعرفولا قيمة وممكن يتفوا عليها وينفخوها بكل سهولة ويركنوها ع جنب ع جية الكهرباء والأمبير !!!
بس ياترى هالشمعة حطيتها وين ؟ ولايمت لتضل صامدة وهي صمدية بتفرط وتسترطب وتبرد وتضيع ..؟!!!
وساعتها وقت بنطفى كل النور اللي حوليك رح تركض بأربعتك تدور بدفاترك العتق وصناديقك القديمة بلكي تلاقيها ..ممكن تلاقيها بس كونك كسرتها وأهملتها مارح تلاقيها صالحة لتشعلها لأنها متل الكبريتة بس انشعلت وانهملت وماانحطت بمكان صح مارح تشعل مرة تانية ..
لهيك "داري على شمعتك تقيد "
قولة اخوتنا المصريين ..
ليست هناك تعليقات:
إرسال تعليق