قصيدة " ( أيامي معاك ) "
Ashraf Eldghedy
( أيامي معاك )
أيامي.معاك. بتفوت ساعات
وف بعدك دموع وآهات
يااجمل حب جاني وبالفرح ناداني
الليل في حضنك بيفوت ثواني
وحبي كله مش خساره فيك
وبعمري وروحي أفديك
ياهنا عمري وفرحة قلبي
واحلي غرام طول ما انت جنبي
شوقي ليك عمال يزيد
ولهفة قلبي نار جوآه بتقيد
غيرتي عليك مجناني
وعيون. الناس. مخوفاني
اشتاق. اليك وادور عليك
واحتاج اليك مش الاقيك
آااه منك ياحب آاااه
معيشني في جنة هوآااه
وعقلي وفكري تآاااه
ولو غيبت عني ياشمس نهاري
مين يرحمني من افكاري
اوعاك حبيبي تبعد عني
خليك معايا وقريب مني
واللي باقي من عمري اتهني بيه وياك
اسقيك حناني وافرح بهواك
ياشمس صافيه ومدفيه حياتي
وبدر في السما منورلي ليلاتي
ده قربك خلاني أعيش في امان
ومهما تسقيني من حنان عطشان
ياريت الزمان يرجع بينا تاني
وماتفارق لحظه ياعمري احضاني
ياللي أيامي معاك عدت ثواني
تعالي نمسحها ونعيشها من تاني
ونسهر الليالي الجايه وعيونا ماتنام
يااجمل حب في الدنيا وأحلي غرام
خواطر..( أشرف الدغيدي )
حقوق الملكيه محفوظه
للشاعر/ة/ Ashraf Eldghedy
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق