مسرح العشاق **بقلم* سمير بحر

مسرح العشاق
 ******
تاملت العشاق على مسرح
ناس تفرح وناس تجرح
وناس حبت وانحبت
وناس مالقت فى القلوب مطرح
ناس تبكى وناس تشكى وناس تحكى
وناس تفرح
وناس ما بين الدمعة والفرحة تتمرجح
****&&****
لما تشوف دمعة فى عين عاشق
تلاقى سؤال وراه اتطرح
ناس تقول دى دمعة فرح
او دمعة قلب انجرح
أو عشق جديد القلب له انشرح
او سراب او خيال فيه سرح
جرى يسبق خطاه ورمح
بلهفة وشوق وخوف ومرح
لهمس ولمس من غير  جرح
وبستان زهور و ورود بتطرح
شاف الأمل فى طريقه بنظرة ...لمح
وقلبه نجح فى إحساسه ....فلح
اتارى الدمعة دمعة فرح
دمعة عاشق عشق ما انجرح
وحكاوى كتير وقليل
ما أسدل لها ستار  مسرح
****&****
سمير بحر
****&****