قصيدة " في شوق بقلبي "
في شوق بقلبي
في شوق بقلبي
عايش معايا من سنين
لو بوحت بيه
مش ح يكفي
عمر السنين
وان وصفته
مقدرش أقول
كان عذاب وألم كبير
قلب عايش
كله حب
كله نبض
لكن أسير
يقرا العيون
من نظرة واحدة
ويعيش فيها
حلم السنين
بين نظرة عيون
ونبض قلب كله حنين
بين قمر معاه نجوم
ويروح بعيد في الغروب
ويعيش كل يوم
مع نور الشروق
مع عطر الزهور
مع نسمة جاية
مع روح حبيب
باحساس جميل
لكن
ولا قلب في يوم
حس بيه
زي الأسير
اللي عايش في الظلام
ورسم حبيبته على الجدران
والزهور مع الفرح
مع الأمل مع الحياة
في يوم جديد
والظلم كان له رفيق
ولا شاف حب ولا نور حياة
راضي بألام البشر
والصمت كان فيه أسير
ينتظر القدر
يمكن في يوم
يعيش معاه
نور الحياة
مع لحظة حب
اتحرم منها طول السنين
كلمات الشاعر:
مصطفى العطيه
مصر
طنطا
للشاعر/ة/ مصطفى العطيه
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق