كتبتك
كتبتك بدفاتر
أشعاري
عتاب مجبول بحنية
خلي الليل يحكي النجوم
والنجوم تحكي عليي
والفكر إِنشغل بأفكاري
عن غيبتك عن حالي
عن مواويل الهوى عنك يا غالي
وقديش لامتني الليالي
كيف بدموع
ملياني أسى موجوع
يحكي من هم موالي
ويرجع يعيد الوجع
عن حب عن دلع
تَعّب عيوني
والناس سألوني
رديت إيه بحبو وبتلمسوا جنوني
بالعشق حطوني
وردَّيت إيه مجنوني
بحبو وطيفو بأحلامي
روحو سكنت بأوهامي
أنغام سحريي (ة)
وشو عاد بقدر وشو عاد فيي
غير إكتبلك
ع الورق واشرحلك
بلكي بيوم بيفرح
قلبي من الشوق بيشرح
وبتحس بغربتي
ب نظرات تعباني
من السهر شقياني
وتقرب صوبي
وتغمر الأيام
وتمرجح الانغام
وتشدّ ع قلبك بإديي
وتقول وتوشوش ب دينيي
عشقت الهوى من حبك يا صبية
و هيك ما عاد حدا
ب عشقي
يلوم الناس لو بالهوى لاموني
ولو بغمار الورد رميوني
ويقولوا شو هَمّْ مجنون حب
بالهوى مجنوني
بقلم #منى_ضيا (لبنان
جميع الحقوق محفوظة
ليست هناك تعليقات:
إرسال تعليق