قصيدة " شهود العهد "
Marowan Kojar
شهود العهد
بعيد ميلاد حكاية تقالت من زمان
بدايتها كنا اثنين نحلم ونتمنى الأمان
نوًُر شعاع الأمل. وشهد علينا المكان
مشينا خطوينا وانكتب ما قدر الرحمن
سنين وحنين عشنا .... بأعذب الألحان
الحب مالي قلوبنا وعشنا بهنى و حنان
فجأة فقدنا الأمل وضاع الشجن بمكان
غاب الفرح وبكينا .... واسودت الألوان
وغاصت عينينا بنهر
من جور هل الوجدان
ما بقي غير الألم يعصرنا
وتفرقوا الخلان
كتر الحكي بينا. وصار البغيض وكان
فاضت قلوبنا تشتكي
صرنا بلا عنوان
يوم ميلادي رجع يارررررريت
ما اجى ولا كان
كلمتين تقالو بسطر ماكانوا بالحسبان
ضاعت أماني الفرح وبديت الأحزان
بعيونهم شفت الآسى
مالهم ذنب ولا كان
صارت عينيهم تشتكي
من برد هل الاحضان
بكيت عيون الندم لهدم هل البنيان
صرخ القلب مذهول
من نزف هل الشريان
حسيت بنار الظلم شو ذنب هل الغلمان
شهود كانوا عالعهد. فضل بهم رحمن
صغار كانوا يحتموا
من غدر هل الانسان
نور بعينهم طفى. رح ياخذوا الإحسان
تمنيت أصحى من حلم
ياخد معو الأحزان
كلمة تقالت وعد. رح يرجع البنيان
مع إني عارف لحظتي بداية الحرمان
تفرق طريقنا وضاع وأصبحنا بلا أوطان
ونطرت فرحة امل غابت مع الازمان
التقينا اتنين بغربة كأنو ما جمعنا مكان
ياخسارة ضاع الأمل وتفرقوا الخلان
حكاية فراق
بقلمي
السفير .د. مروان كوجر
للشاعر/ة/ Marowan Kojar
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق