قصيدة " ،أوجاع.. "
،أوجاع.. بالعاميه،
قالولي الدمع
بيفرج الأحزان
والصبر طيب
ومجمع الألوان
شفت الصبر
متل الوجع
على الصدر
يا أمي
صخر صوان
قالولي العشق
نسمة عطر
هدت على
كوخ مهدم الحيطان
كل ما مر من صوبو
عصفور
بيكبي على غصن
كان محمل سلل
رمان
والليل بعد العشى
من كأس الوحده
من الضجرسكران
بيتمايل متل
شجرة حور مزروعه
بآخر البستان
سطح الكوخ يا أمي
مشلع عواميدو
كأن الريح
بيشبه الطوفان
والمصطبه مالت
على خصرها
متل عجوز
بشهر كانون
بردان
وضفة الورد
كانت شموع
بتشرق مع الشمس
لكن اليوم
صاروا
من العطش عميان
ليش الأسى محمل
دمع
وليش الزمن زعلان
بكره بتفرج علينا
وبيرجع الزمن
متل ما كان،،
،طلال الدالي، ،سوريا،
للشاعر/ة/ طلال الدالي
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق