قصيدة " ما بقى تِفرُق معي "
Fatima Albaltaji
ما بقى تِفرُق معي
يا قلبي لا تِنقهر
ويا عيني لا تدمعي
ما بقى تفرق معي
إن كِنْت ضدي أو معي
ولا همّي بيفرُق معك
ولا صوتي بيوصل مسمعك
لا إنت معي ولا أنا معك
لا شايفني ولا بِقْشَعك
قعّدت عالكِرسي وحبّيت
القعدي كإنك صاحب بيت
وكل حق طْلبْتو ما لبّيت
تمنّك أنا زْهِقت وملّيت
يا ريت بْشوفك مطْرَحك
بالسجن هيدا مسرَحك
وضميرك يعذبك يدبحك
لإنّك من دمنا ما ارْتَويت
بعدكن بتلفّوا علينا وبتدوروا
شحدتونا وشحدتو باليورو
بين بونسوارك وبونجورو
دخلوا بْجيشُن وأُسْطولو
هالمرّة الصفقة بتحرز
يلي عقلك ما بيفرز
شكلو مدبّر يلي صار
والبيعة بدرهم ودولار
دمّرتونا وقرّفتونا
وبحْبال النصب خنقتونا
وبْإيديْكن فجّرتونا
عالمرفأ بهوْنيك نهار
الدور التاني على مين
وللزر الكبسة مع مين
ما تخلّونا قلقانين
على صفقتكن طمنونا
ما بقى تفرق معنا
ما دمنا عالسما طالعين
والنا ربّ بيجمعنا
فاطمة البلطجي
للشاعر/ة/ Fatima Albaltaji
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق