جمايلك يااما على راسي
يا مالكة كل احساسي
انا فاكرك ومش ناسي
ولا عمرك فارقتيني
................
ولا عمر البعاد أثر
ولا بدل ولا غير
حنيني اليكِ يا أطهر
ايدين لمستها تحييني
...................
فاكر يااما حنان قلبك
وفرحك لما اكون جنبك
ولين القسوة في حبك
وطيبتك لو تعاتبيني
...................
على ودادك انا اتربيت
ومن غلبك انا اتهنيت
وتشهدلك حيطان البيت
ودمي ونبض شراييني
......................
ياساقية القلب من جودك
ياما جرح البكا خدودك
وضاع عمرك وشاخ عودك
عشان بالفرح تهديني
.....................
ياجامعة اللمة والعيلة
ياشايلة الحمل والشيلة
انا بعدك مليش حيلة
وكان قربك مقويني
...................
انفرط عُقدك وكان جامد
ومن بعدك بقيت شارد
لكن راضي انا وحامد
ياريت ياما تسامحيني
...................
ومهما هقول انا وأكتب
هلوم كل الحروف واعتب
ومش هقدر انا احسب
شعور كلمة وحشتيني
#سميرمحمود
ليست هناك تعليقات:
إرسال تعليق