الف مبروك الشاعر / ة الشاعرالغنائي سامي الماحي
💔💔
( من بعد رحيلك يا أمي)
جيت اكتبلك تهنئه غلب الكلام همي
قولت استعين بالله
و قبل ما أكتب اسمي
حاولت اجمع ف حروفي
حاولت أمسك بألمي
بحاول أنسي فراقك
بحاول أقوى علي ألمي
مطوعنيش الكلام
عشان حالنا مش تمام
قولي على الدنيا السلام
من بعد رحيلك يا أمي
عارف عايزه تتطمني
شايفك قصادى بتتكلمي
أيه جرالكم وأزى حالكم
آه لو تعرفي أيه جرالنا
في كل ثانيه بتوحشينا
من يوم حببتي ما سبتينا
الحزن غالب علينا
الدنيا مش هي الدنيا
أتغيرت أوى في عنينا
حتي أختي بتهتم بينا
وبتراعينا
بس ❔
مش زى ما كنتي بتهتمي
من بعد رحيلك يا أمي
أشتكيت للرب حزني
قولت علي فراقها عيني
طول عمرى أقوي م الجراح
بس فراقها اللي كسرني
أيوه بغرق وطوق النجاه بعيد
أيوه بعدك عايش وسط الناس وحيد
عملوا في الدنيا عيد عملوا في الدنيا عيد
قولتلهم امي في الجنه كل ثانيه ليها عيد
قولتلهم أمي اللي بتجرى ف دمي وف الوريد
أمي تستاهل الف مليون عيد
اللي من غيرها بتوه قلبي راح معاها هتوه
حتي قلبي مش قادر يشيل ف همي
من بعد رحيلك يا أمي
شفت في الدنيا العجايب
وأتغيروا كل الحبايب
اللي سبنا من غير مناسبه
واللي من يومها غايب
ومن يومها وأحنا ملناش حبايب غيرك يا أمي
من بعد رحيلك يا أمي
كل سنه وأمهات الجنه بمليون خير
وكل سنه وأمهات الدنيا بألف خير
( سامي الماحي)
ليست هناك تعليقات:
إرسال تعليق