قصيدة " الأم "
الأم
المسكينة شحال حلمت و تمنات
يجيها سعدها بحال كل العيالات
طامعة تصنع جيل أولاد و بنات
ساخية تهديهم كل الحياة
تحقات الأمنية تزوجات و فرحات
كيف أعطاها الله رضات و شكرات
طمعات يكونو عندها وليدات
حملات وشقى الدار بيه تهدات
توجعات وبكات حتى ضاع املها من الحياة
تكتب ليها عمر جديد مبرك الوليد
رضعات و رارات و على ضهرها حملات
سهرات و قاسات من النعاس تحرمات
حنينة بحياتها على ولدها ضحات
هز عينيه فيها ما حشم المسكينة حشمات
انت ما تعرفيش انا نعرف اللوغات
زادها بالصدة و تكلم بالغوات
هي ترضي عليه وهو زايد في العناد
خلاها داوية كيف الهبيلة في ودنيه
داير سدادات
اجرك يا المسكينة عند الله يرزقك احسن الجنات
صبرك ما بحالو صبر على الاولاد فنيت العمر
يا رب لهلا يخسر ليك خاطر
ويعطيك انت كل أم في الجنة قصر
عبد الكريم خلان
للشاعر/ة/ عبد الكريم خلان
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق