قصيدة " (أفترقنا ) "
(أفترقنا )
قولي لية لية أفترقنا
الفراق ما كان أملنا
ما خطر مرة ف منامنا
بالحياة يامة حلامنا
لما الفراق صبح إختيارنا
لية تسيل منا دموعنا
ولية نشكى للناس ألمنا
هو الفراق دا قدر
ولا عملنا
لية ما وفينا بعهودنا
وكذبت حتى شهودنا
غدر ونفاق ماكانوا
يوم وعودنا
قولي اية اللى انت فاكرة
من وعودنا
مشوار طويل ولما عدنا
الوجع منة اللى نولنا
أنا وقلبى ما خطر
كذبك ببالنا
هجينا عقلى لما يوم
عليك سألنا
ووقت الشماتة م البشر
عجز جوابنا
زرعنا فى أرضك أمل
روتة دمائنا
ووقت الحصاد
الفراق هو حصادنا
القلب مات والعمى للعين أصابنا
الأنين ووجع القلوب
منك نحبنا
حبنا فى الحب خاب
ولا أحنا فى الحب
اللى خبنا
لسة النهاردة
عارفة اية سبب إفتراقنا
جمالى خانك
رغم إن غناك ما خانا
فقرى وغناك
هما السبب إنا أفترقنا
وذنبى اية إنى وأبويا
على قد حالنا
شرفي دا عمرى
لو بمال قارون ساومني
راضية بنصيبي والنصيب
علمة لربى
الله يسامحك يالي منك
صار وجعنا
بقلمى
نبيل عبد الحليم
5/8/2020
للشاعر/ة/ الحاج نبيل عبد الحليم
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق