قصيدة " العمر "
Hajj Salim Issa
العمر عم يروح ما إلو رجعة
وراح الوقت وفَضفَص كوانين
وما عاد تنفع لا نَهدة ولا دمعة
نسينا على حفاف الشيب تشرين
وتُقرَب من الورد صدى أيار
وتنطنط الثواني عن الستين
وهرب نيسان ومعو أذار
شو عاد بدَّك يا وقت تخمين
ونسينا ع برد الوفا أسرار
بتحرق اسامي مرقت تلاوين
وتقول وين بعدكم وشو صار
وين الشوارع وزقاق ودكاكين
ساحات انرسمت بالعاب صغار
عم تركض خلف الهوى مجانين
دار الزمان ع حجار هاك الدار
ينطر العوافي ع خدود منتظرين
زواريب عتيقة ،دراج بالافكار
وشوح الزنابق كرمة عنب للتين
وغار الحفافي إل من الورد بيغار
يضحك ع برد وجوه منسيين
وترجع لحدّ العمر شلعة الاعمار
خُلصِت من الوقت وهِنّ بردانين
وتقلو يا وقت الناس صرنا كبار
إترك وراك الناس تحلم ب ناس مفترقين
سليم عيسى..
١٢٦
للشاعر/ة/ Hajj Salim Issa
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق