واليكم نص القصيدة
قصيدة " للمسنين رايحين "
Entsar Mohamad
لم لها الهدمتين ومعاهم الشبشبين
وقال يالا يا اما ماشيين
علي دنيا تانية رايحين
فيها ناس كتير
وليكي هيكونوا مؤنسين
يالا يااما بيتي معادش
سايعك
يالا يا اما تربيتك راحت بلاش
وانا ليكي كبرت وماعنتش
طايعك
يالا يااما هناك سرير كبير
بدل سرير ابويا اللي قدم
ومعدش طايقك
يالا يا اما كفاياكي قعدة معانا
مراتي يا اما قالت
أمك مش طايقانا
ويوماتي عاملة مشكلة ويانا
يالا يااما .........
يالا يا اما.....
..................
يالا فين يا ابني
واسيبك لوحدك
هو انا يا ابني
عمري زعلتك
طول عمري أربيك
واخاف عليك
عايزني اروح لهناك
وتقول هناك جنة
واعيش منغيرك
طب دانا عمري ما اتهني
..................
إن كان ع الناس الكتير
انت واولادك ناسي
وإن كان ع السرير الكبير
سرير ابوك قديم لكن علي رأسي
وإن كنت خايف علي فلوسك
متخافش
لية معاش كبير مانت بتاخده
والا تكونشي ناسي
وإن كان علي شوية الدوا
بلاه الدوا وهيعمل إيه من غيرك
انت دوايا واعيالك هما حُراسي
وإن كان علي امراتك طمنها
قول لها دى يومين ورايحة
ولا راجعاشي
قد كدة مطمرش فيك تعبي
قد كدة اليوم علي أمك آسي
قد كدة دنيتكوا صعبة
واتقولوا أهاليكوا أكبر لعنة
بقوا حمل كبير
ومسؤليتهم صعبة
رجَّع يا ابني الشبشبين
وكمان رُص في الدولاب الهدمتين
وهي جمعة والا جمعتين
وأخرج من الدنيا مبسوطة الكفين
لامعايا لا الهدمتين والا الشبشبين
والمعاش كمان اصرفه علي البنتين
وكمان هوفر عليك أجرة
... أوضةفي دار المسنين...
مش هي دي جنتك.. وبتخبي
وتقول ناسها هناك ليكي مؤنسين
هو انا عبيطة عرفتها لما قلت
انك عايز تفتح الأوضتين
ونسيت ان أوضتي فيها عشرة السنين
لبس ابوك هناك فيه ريحة سندى
والسبحة جنب الشباك متعلقة
وسجادة الصلي بالغالي تفكرني
وكل ده وفاكرني مش فاهمة
وتقولي يالا يا اما
ع الجنة رايحين
لا يا ابني هما جمعة والا اتنين
وارو ح هناك لرب العالمين
ولاعيش طول عمري اخدمك
واخاف عليك واكرمك
وادعيلك ربي يحفظك
واخرتها تنسي تعب السنين
وتجري توديني دار المسنين
يالا يا ابني وفر فلوسك
وبلاها دار المسنين
..........
.. ... ...
بعنوان :للمسنين رايحين
بقلمي إنتصار محمد حسين
للشاعر/ة/ Entsar Mohamad
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق