هناخد بالأسباب ... بقلمي الفلاح الفصيح معوض حلمي منشأة بطاش تمي الأمديد دقهلية

طبعاً هذا المنشور
لاينطبق على الجميع
..................................

..... هناخد بالأسباب .....

..................................

هناخد بالأسباب ونسلم
الحاله الإقتصاديه ميزان
المفروض كلنا ....... نتعلم
ونداوي مابينا ... الأحزان
طب ليه الأستاذ بيتألم
في المدرسه نايم كسلان
بيطنش ومعادش بيعلم
لكن في السنتر ددبان
ليه ياطبيب الرحمه مبلم
في المستشفى من الغلبان
جوا عيادتك ياسلام سلم
زي النحله ومش تعبان
والتجار من بير السلم
خلوا من المنتهي صلحان
خانوا العهد بقلب معتم
باعوا السم بسعر جنان
حتى الكوره مصيرها مضلم
فكر عقيم وأداء هفتان
الأسعار ملايين يامعلم
والناتج طرح ...... الاحزان
توهه وحيره وقلب مسلم
دنيا اسودت .... م البهتان
طول ماشيطان الإنس معلم
ناس حواليه تسرق شقيان
مش هانقوم ولاخيرنا يعلم
طول ماضمير الناس نعسان

طول ماضمير الناس نعسان
...................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية