قصيدة " انتي فين يا "
انتي فين يا. أمه عشان اشكيلك
من هموم الدنيا. اجيلك وأحكيلك
ده كل الحبايب على بابنا
بتسال من بعد غيابك رحيلك
حتي حيطان البيت وأركانه
شايفها زعلانه بتعيط وتدعيلك
وحشاني القعدة وياكي
مش قادر يا. ا أمي أنساكي
مين غيرك ها يشيل همي
لا خال. يا. أمي. ولا عمي
ده. غيابك. خلي حياتنا عتمة
والبيت من بعدك بقي كتمه
يا أمي يا. سر. وجودي اه لو تعودي
بدعي. وأبكي في سجودي
تكوني مرتاحة مع أهل الجنة
واتمني تاخدينا كلنا. وياكي
يا اللي سندي في الدنيا رضاكي
مش ممكن يا أمي أنساكي
أنا عايش والله بدعاكي وف حماكي
صوتك في وداني يسعد ربي مساكي
ايام وسنين وانتي. مش. وسطينا
لا شوفنا بعدك فرحة ولا يوم اتهنينا
ايامك كانت أحلي ايام
كلها دفا وحنين وسلام
كنتي مجمعه الحبايب
وبتسألي علي إللي غايب
وبتشيلي هم القرابب
وتفرجي عنا الاحزان
وتحنني القلوب
وتنصري المغلوب
المكتوب ملهوش مهروب
في حفظ الله يا أمي
واللي بلا. ام
حاله. يغم
كل احوالك فاكرها
وكلماتك دلوقت
بذاكرها
عرفت معاني في صغري
كنت مش فاهمها
علمتينا نحترم الكبير
وبره البيت بلاش تأخير
علمتينا الحنيه على بعضنا
وقلبك كان سايعنا كلنا
علمتينا يعني ايه اخوك
علمتينا يعني ايه اختك
علمتينا حقوق الجار
وحفظ الاسرار
علمتينا المروءة
والوقفة في الضيقة
ومراعاة مشاعر الناس
وازاي نراعي الاحساس
كنتي مدرسة بتعلم
مراقبة ربنا الاول تتقدم
الله يجعلك في قبرك مستورة
يا اجمل رسم واحلي صوره
ويجازيكي خير يارب انتي وابويا
اللي كان سندي وصاحبي واخويا
انتم الحاجه اللي مش ها تتعوض
انتم كنتم اماني لما عينيا بتغمض،
يارب ارحمهم واغفر لهم وجازيهم
بكل خير واكرم نزلهم ووسع مدخلهم
الله يرحمك يا امي
الله يرحمك يا ابويا
ويارب اكرم كل ام لسه في الحياه
واجعل أولادهم لهم طوق النجاه
الاب والام ضيوف عندكم
بكرة اولادكم يبقوا زيكم
بقلمي
محمود عزام
٢٠٢٠
للشاعر/ة/ محمود عزام
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق