قصيدة " سنين هواكى "
سنين هواكى
***********
سنين هواكى متتعدش
هي السعاده بتتحسب
قلبي طول عمره ما حسش
وياكى بلحظه تعب
ازاى يفكر في أيامه
وهو بقلبك أتوهب
نساني الدنيا الجارحه
محا .. مني كل الغضب
وفرحه بتولد فرحه
في عيون القلب سارحه
في اول لحظه أصحى
يقابلني قدري اللي أنكتب
آلاقى قوتي.... حبات عنب
تلمسني بإحساس من ذهب
واتمسي بهمسه تقول لي أنسى
تقابلك لحظه.. فيها لمسه تعب
وإحساسك دافي.. يهزنى متعافي
يقول لي لسه.. ما خلصش .العنب
...
وبسمه على خدود...ويا قلب ودود
وقمر ممدود...نوره في عيني
وقلبي موعود .. بحنان بيعود
ما لوش حدود.. يسقينى يرويني
وقلبك يجود.. ببسمه عود
شايل ورود .. عبيرها يناديني
ترسم ضحكه .. وعبير في السكه
ما فكرتش في بكره.. حتى يجيني
ما ليش أماني ما أنتى واخدانى
في جنه ورديه فيها تحييني
واللي وياه حوريه فوق جدول ميه
ميته حنيه .. وعيشته هنيه
.......وقلب ما يكدب
.......ممكن يحسب
.......
قلبي مالكه كل ما فيه
احساسك بلمسه يصحيه
وجودك فيه بيدفيه
ومن نبع حنانك يشرب
ليه .. احسب
ليل بيسلم نهار... ونهار بيسلم ليل
ليله السعاده فنار ... منار لكل سبيل
للسعاده في النهار اسرار
تمحى الالم والويل
ويوم ورا يوم بيعدي
آلاقي عمري مني بيهرب
ازاي هحسب
وعمري كله وياك يوم
سعادته في ساعاته بتدوم
اجهل زمنى ما يبقاش معلوم
والنسيان ع العمر بيغلب
ازاى احسب
سنين هواكى
*************
وحيد احمد
(موثقه ..حقوق فكريه )
للشاعر/ة/ الشاعر وحيد احمد
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق