قصيدة " (عتاب أم ) "
(عتاب أم )
شكرا ياولاد التباتة
يانن عينى وحشايا
فاكرنى فى شهر تلاتة
وباقى عامى عنايا
هداياكم فيها غتاتة
طفيتوا شمعى وهنايا
روحى صبحت فتاتة
بقولك ياروحى وضنايا
كفانى حتى الشماتة
فى كل حتة ورايا
فاكر جايب زهايا
افتكر فعلك معايا
تاركنى فى غابة ديابة
كسرت ظهرى وصبايا
عكازى لإيدى قطعها
ودايرة كأنى ف رحايا
عملها ما فى يوم نفعها
للغيب ما فيش درايا
نايمة فى بيتى وحدى
كأنى فيروس ومعدى
هاجرينى وليلى وحدى
نتمنى عمرى يعدى
ودمعى كاويلى خدى
مش فارق وجودكم معايا
بأيديكم فرقتوا حدى
وقصفتوا عمرى وودى
جايبيلى علبة هدية
خلاص بقيت الرزية
عليكم ضاع نور عنيا
صعبان عليا شقايا
منكم عليا كفايا
ياريت يابابا تجونى
كل شوية تزرونى
ووقت الفراق تحضرونى
تبدلوا غضبى برضايا
خايفة تجينى فى مارس
يافاهم الدين ودارس
ياعامل عليا فارس
لزرع الفرقة انت غارس
تلاقى أغراب حاوونى
وبإيد أغراب كفنونى
اية العمل قولولى
يحرم عليكم عزايا
ويحرم عليكم رضايا
بقلمى نبيل عبد الحليم
25/6/2020
للشاعر/ة/ الحاج نبيل عبد الحليم
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق