قصيدة " بحر الحب "
بحر الحب
-------------
يابحر واسع... ملوش نهايه
يابحر ارحم.. انا ف البدايه
شيىل امواجك.. شويه عني
أحنا لسه ف بدايه الحكايه
يابحر الكل.......... بينزل فيه
فيك اللي تاه ومحدش لاقيه
وفيك اللى الميه..... ..بترويه
وفيك يابحر ....كتير ضحايا
يابحر مالك ....موجك عالى
طب دنا جاي وليًا آمالى
جاى النهاردة ..والقلب خالى
قولت هالاقي......عندك منايا
ويوماتي......... انا بنزل أعوم
انت بقى ....اللي عليك اللوم
لأني ماغبتش......... عنك يوم
افهم بقى......... خليك ويايا
نسيت حكايتي.... وياك يابحر ؟
مش كنت معايا .ودفعنا المهر ؟
يوم ماكنا....... على شط النهر
ويومهااشتريت اناوانت الهدايا
يابحر حبى...... ياشاهد علينا
على شطآنك...كانت خطاوينا
ومراكبك......... ياما لعبت بينا
وامواجك عزفت.......... لغنايا
--------------
بقلمي / رمضان عبدالله أحمد
للشاعر/ة/ مستر رمضان عبدلله
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق